Pacifique FM - Magic Harmony

Association d'animation et d'entraide et radio locale Tournaisienne
 
AccueilPortailGalerieFAQRechercherS'enregistrerMembresGroupesCalendrierConnexion
Derniers sujets
Navigation
 Portail
 Index
 Membres
 Profil
 FAQ
 Rechercher
Partenaires
forum gratuit
Tchat Blablaland
Sondage
LIENS

www.davidrayan.be

www.tekno6tem.com


Partagez | 
 

 L'lundi parjuré,

Aller en bas 
AuteurMessage
David Vincent
Administrateur du forum
Administrateur du forum
avatar

Masculin
Nombre de messages : 123
Age : 55
Pays + Ville : Tournai ( Belgique )
Emploi : Administration
Loisirs : Cyclisme, cinéma, musique, voyages
Date d'inscription : 05/12/2006

MessageSujet: L'lundi parjuré,   Sam 20 Jan - 9:14



A pein' que l'diape i-a mis ses bottes
Tout l'meont' i-est él-vé dins l'maseon
L'mopèr' beot ses trois-quat' chinottes
Pour erguérir es' n'émotieon
Puis v'là tout d'ein queop que l'mamère,
D'pus longtemps in train d'busier
S'adréchant à s'famille intière
D'mant : "Quoi ç'qu'on f'reot bin pou souper ?"

J'vous assur' qu'in ville,
L'lundi parjuré,
Ch'est dins chaqu'famille
Ein jour bin d'siré !

J'vous assur' qu'in ville,
L'lundi parjuré,
Ch'est dins chaqu'famille
Ein jour bin d'siré !



"Mi, j'aim' fell'mint l'pétit' saucisse"
Dit ein des garcheons, "Cha, ch'est m'goût !"
"Mi, j'vous assur'"... dit l'fill' Clarisse
"Qu'ein morcleau d'viéeau ch'est l'meilleu d'tout !"
Ein eaut' infant d'mante ein' cout'lette
Mais l'pèr' leu dit: "Cré neom d'ein tchien !
A Tournai, pou bin fair' ceull' fiête,
L'ceu qui n'a pos d'lapin n'a rien"

J'vous assur' qu'in ville,
L'lundi parjuré,
Ch'est dins chaqu'famille
Ein jour bin d'siré !

L'mamèr', tout in chiffrant ein' goutte, dit:
"Vraimint, mopère i-a raiseaon !"
Là-d'sus, les v'là tertous in route,
Chaqu'ein pou s'pétit' commissieon,
Pindant qu'les infants, au boutique,
Veont guère ogneaons, preonnes et raisins,
L'pèr' et l'mèr' attrap'tent ein' bell' chique
Tout in marchandant les lapins !

J'vous assur' qu'in ville,
L'lundi parjuré,
Ch'est dins chaqu'famille
Ein jour bin d'siré !

Pour orvénir de l'plach' Saint-Pierre,
L'Lapin i-est mis dins ein moucheo
A chaqu' choncliache i traîn' par tierre
Et l'tiêt' fait soupett' dins l'rucheaot!
L'Pourchéeau n's'ingraiss' pos à l'ieau claire :
Ch'est là l'raisonn'mint d'tous les gins !
Au souper tout l'meont' fait beonn' chère
Mêm' quand cha croque ed'dins leus dints !

J'vous assur' qu'in ville,
L'lundi parjuré,
Ch'est dins chaqu'famille
Ein jour bin d'siré !

Pindant que s'n'heomm' va boire ein verre,
In attendant l'moumint d'minger
L'Feimm', par ein d'ses infants, fait faire
Les billets qu'i faudra tirer.
Ell'arrinch' tell'mint bin l'affaire
Qu'nué feos d'sus dix ch'est l'pèr' qui-est seot !
Elle' trouèf' que ch'est l'pus bell' manière
D'il fair' toudis rimp-lir el'peto !

J'vous assur' qu'in ville,
L'lundi parjuré,
Ch'est dins chaqu'famille
Ein jour bin d'siré !

Après l'souper, ch'est dins l'usache,
On s'réunit in société
Nieur de Dieu, mes gins, queu plucache
A l'bier', au café, au péqué !
Et puis, quervés comm' des andoules,
In s'quittant l'lind'main au matin
On brondièl' dins tous les bédoules
In cachant à retrouver s'quémin !

J'vous assur' qu'in ville,
L'lundi parjuré,
Ch'est dins chaqu'famille
Ein jour bin d'siré !

Si l'feimm'a eu l'bonheur d'êt' Reine,
Ell' le fait vir d'vant de s'coucher
Ell' danse, ell' crie, ell' se démène,
Ell' menace s'n heomm' de l'buquer !
A la fin ç't'ichi s'fout in rache
Mais s'feimm' lit dit : "Tais-ta, t'es l'seot !"
Du queop, v'là la guerre au ménache
Et la Reine attrape ein claqueot !

J'vous assur' qu'in ville,
L'lundi parjuré,
Ch'est dins chaqu'famille
Ein jour bin d'siré !


J'vous assur' qu'in ville,
L'lundi parjuré,
Ch'est dins chaqu'famille
Ein jour bin d'siré !
Revenir en haut Aller en bas
Voir le profil de l'utilisateur http://www.davidvincent.be
 
L'lundi parjuré,
Revenir en haut 
Page 1 sur 1
 Sujets similaires
-
» Préavis de grève pour le Lundi 15 décembre… (reconductible)
» [grève] lundi 28 janvier 2008
» Sur le marché ce lundi...
» 15ème journée - matches du vendredi 3 au lundi 6 décembre.
» Piscine Lundi 27 avril ?

Permission de ce forum:Vous ne pouvez pas répondre aux sujets dans ce forum
Pacifique FM - Magic Harmony :: PACIFIQUE FM NEWS :: FOLKLORE TOURNAISIEN-
Sauter vers: